المقادير :
400 غ دقيق الفينو أو سميد ناعم مايعادل 3 كؤوس مملوءة جيدا
250 غ دقيق ابيض مايعادل كأسين ونصف
350 غ ماء ساخن مايعادل كأسين وثلث الكأس ملعقة ك خميرة الخبز
ملعقة ك سكر
ملعقة ك زبدة
ملعقة ص مملوءة ملح
4 قطع جبن مثلث
الطريقة :
أول مرحلة خصنا نرطبو الفينو أو السميد لي استعملنا باش هاکا کیجي الخبز اكثر طراوة. كنخلطو الماء الساخن مع الدقيق و نخليوه يتشرب مزيان وتنزل الحرارة ديالو ثم نضيفو باقي المكونات.
نعجنو الكل جيدا حتى كتولي عجينة ملساء ثم نخليوها تخمر.
نقسموها حسب الحجم لي بغينا (انا قسمتها ل 9 كويرات) نقادوهم مزيان ونغطيوهم نخليوهم يرتاحو على جنب (هادشي بدون استعمال اي نوع دقيق مغادیش تلصق لكم)
بعد مکيرتاحو الكويرات نبسطوهم بيدينا ولا بالدلاك و هاد المرة کنرشو شوية الفينو (السميد الناعم ونوضعوهم في صينية الفرن ونخليوهم يخمرو للمرة الثانية.
ملي يخمرو مزيان نفلحوهم بسكين ولا شفرة حادة و إلى الفرن مسخن جيدا من قبل حتى يطيبو نخليوهم يبردو شوية ونقدموهم بالصحة والعافية .
تعليقات
إرسال تعليق